America - Otta Nottathil - us_defies_court_deports_asias_to

Advertisements

കോടതിയെ വെല്ലുവിളിച്ച് കുടിയേറ്റക്കാരെ നാടുകടത്തി യുഎസ്

Photo #1 - America - Otta Nottathil - us_defies_court_deports_asias_to_sudan

ബോസ്ററണ്‍: കോടതി ഉത്തരവു ലംഘിച്ച് ഏഷ്യന്‍ കുടിയേറ്റക്കാരെ ദക്ഷിണ സുഡാനിലേയ്ക്ക് ട്രംപ് ഭരണകൂടം നാടു കടത്തിയതായി പരാതിക്കാരുടെ അഭിഭാഷകര്‍ അറിയിച്ചു. തിങ്കളാഴ്ച വൈകിട്ട് പെട്ടെന്നുള്ള നോട്ടീസ് ലഭിച്ചതിനെ തുടര്‍ന്നാണ് നാടുകടത്തല്‍ പദ്ധതിയെ കുറിച്ച് അറിഞ്ഞതെന്ന് അവരുടെ അഭിഭാഷകര്‍ പറയുന്നു. ഫെഡറല്‍ കോടതി ഉത്തരവു ലംഘിച്ച് ട്രംപ് ഭരണകൂടം കുറഞ്ഞത് രണ്ടു കുടിയേറ്റക്കാരെയെങ്കിലും യുദ്ധ ബാധിതമായ ദക്ഷിണ സുഡാനിലേയ്ക്ക് നാടു കടത്തിയതായി കുടിയേറ്റക്കാരുടെ അഭിഭാഷകര്‍ പറഞ്ഞു.

ഈ രണ്ടു പേരും മ്യാന്‍മറില്‍ നിന്നും വിയറ്റ്നാമില്‍ നിന്നുമുള്ളവരാണ്. അവരെ യുഎസ് ഇമിഗ്രേഷന്‍ കസ്ററഡിയില്‍ പാര്‍പ്പിച്ചിരുന്നു. ചൊവ്വാഴ്ച രാവിലെയോടെ മറ്റു പത്തോളം നാടു കടത്തപ്പെട്ടവരും വിമാനത്തില്‍ ആയിരുന്നു എന്ന് അഭിഭാഷകര്‍ പറഞ്ഞു. ബോസ്ററണിലെ ഒരു ഫെഡറല്‍ ജഡ്ജിക്കു നല്‍കിയ അടിയന്തിര പ്രമേയത്തിലൂടെയാണ് അഭിഭാഷകര്‍ ഈ വിവരങ്ങള്‍ വെളിപ്പെടുത്തിയത്. ട്രംപ് ഭരണ കൂടം വിദേശ പൗരന്മാരെ അവരുടെ ജന്മദേശത്തേയ്ക്ക് അയയ്ക്കുന്നതിനു പകരം മൂന്നാം കക്ഷി രാജ്യങ്ങളിലേയ്ക്ക് അയയ്ക്കുന്നത് ഇതിനകം വിലക്കിയിട്ടുള്ളതാണ്.

ദക്ഷിണ സുഡാനെപ്പോലെ മാനുഷിക പ്രതിസന്ധിയില്‍ മുങ്ങിയ ലിബിയയിലേയ്ക്ക് ആളുകളെ നാടു കടത്താന്‍ ട്രംപ് ഭരണകൂടം തയാറാണെന്ന് തോന്നിയപ്പോള്‍ യുഎസ് ജില്ലാ ജഡ്ജിയായ ബ്രയാന്‍ മര്‍ഫി, മുമ്പൊരിക്കല്‍ ഇടപെട്ടിട്ടുണ്ട്. ലിബിയയിലേയ്ക്ക് ഉള്ള സംക്ഷിപ്ത നാടുകടത്തല്‍ തന്‍റെ മുന്‍ ഉത്തരവ് വ്യക്തമായി ലംഘിക്കുമെന്ന് മര്‍ഫി പ്രഖ്യാപിച്ചു.

കരയാല്‍ ചുറ്റപ്പെട്ട, കിഴക്കന്‍ ആഫ്രിക്കയിലെ ദക്ഷിണ സുഡാന്‍ 2011ല്‍ സുഡാനില്‍ നിന്ന് സ്വാതന്ത്ര്യം നേടി. ലോകത്തിലെ ഏറ്റവും പുതിയതും വ്യാപകമായി അംഗീകരിക്കപ്പെട്ടതുമായ പരമാധികാര രാഷ്ട്രമാണിത്. 2013ല്‍ രാജ്യം ആഭ്യന്തര യുദ്ധത്തിലേയ്ക്കു വീണു. ഇത് പതിനായിരക്കണക്കിന് ആളുകളുടെ മരണത്തിനും ദശലക്ഷക്കണക്കിന് ആളുകളെ കുടിയിറക്കുന്നതിനും കാരണമായി. സിഐഎയുടെ കണക്കനുസരിച്ച് രാജ്യം വംശീയ അക്രമത്താല്‍ വലയുകയും ഭക്ഷ്യ പ്രതിസന്ധി നേരിടുകയും ചെയ്യുന്നു. രാജ്യത്തെ 11 ദശലക്ഷം പൗരന്മാരില്‍ മൂന്നില്‍ രണ്ട് ഭാഗത്തിനും മാനുഷിക സഹായം ആവശ്യമാണ്.

അക്രമാസക്തമായ കുറ്റ കൃത്യങ്ങളുടെ ഉയര്‍ന്ന അപകട സാധ്യതയും ദുര്‍ബലമായ മനുഷ്യാവകാശങ്ങളും മൂലം അമെരിക്കക്കാര്‍ ദക്ഷിണ സുഡാനിലേയ്ക്ക് യാത്ര ചെയ്യരുതെന്ന് 2025 മാര്‍ച്ചില്‍ യുഎസ് സ്റേററ്റ് ഡിപ്പാര്‍ട്ട് മെന്‍റില്‍ നിന്നും മുന്നറിയിപ്പു നല്‍കിയിരുന്നു.

- dated 23 May 2025

Comments:

Keywords: America - Otta Nottathil - us_defies_court_deports_asias_to_sudan America - Otta Nottathil - us_defies_court_deports_asias_to_sudan,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: